اسلام آباد۔ 22 جون (اے پی پی) وفاقی وزیر بجلی سردار اویس احمد خان ل??ار?? محرم الحرام وچ بجلی بلا تعطل ݙیوݨ کیتے ڈسکوز دے چیئرمین، سی ای اوز کوں ہدایت کیتی اے جو محرم الحرام وچ مجلساں ا??ے جلوساں دے شرکا کوں کہیں وی قسم دی تکلیف توں بچاوݨ کیتے سارے ڈسکوز وچ خراب آلات دی وختی مرمت یا تبدیلی کوں یقینی بݨایا ونڄے۔ جاری بیان موجب وفاقی وزیر پیشگی مرمت دے احکامات جاری کریندے آکھیے جو محرم الحرام دا مقدس مہینہ نیڑے آندا پئے، محرم وچ ملک وچ لکھاں عزاداران مجلساں ا??ے جلوساں وچ شرکت کریسن، اڄوکے سال محرم وچ گرمی دیاں لہراں دے امکانات ہن۔ اویس ل??ار?? آکھیے جو بلا تعطل بجلی ݙیوݨ یقینی بݨاوݨ دی ٻہوں لوڑھ اے ، مذہبی تقریبات دے دوران عوام کوں کہیں وی قسم دی تکلیف توں بچایا ونڄے، سارے ݙسکوز وچ خراب آلات دی وختی مرمت یا تبدیلی کوں یقینی بݨایا ونڄے۔اویس ل??ار?? ڈسکوز کوں ایمرجنسی رسپانس ٹیماں تشکیل ݙیوݨ دے وی احکامات ݙیندے آکھیے جو یوم عاشور کوں ایمرجنسی رسپانس ٹیماں کوں ہائی الرٹ تے تعینات کیتا ونڄے، محرم الحرام وچ مقامی حکام دے نال مسلسل رابطہ رکھیا ونڄے۔ وفاقی وزیر آکھیے جو ضلعی انتظامیہ، قانون نافذ کرݨ آلے اداریں ا??ے مذہبی تنظیماں دے نال مکمل تعاون کرن، صارفین، خصوصاً امام بارگاہواں ا??ے مسیتاں کوں کہیں وی شیڈولڈ مرمت یا ممکنہ لوڈ مینجمنٹ دے بارے وچ پیشگی آگاہ کرن۔ وفاقی وزیر آکھیا جو حساس مقامات تے سٹینڈ بائی جنریٹرز اتے یو پی ایس سسٹمز دی دستیابی کوں یقینی بݨایا ونڄے، کہیں وی غیر متوقع گرڈ مسئلے د?? صورت وچ بیک اپ بجلی ݙتی ونڄے۔وفاقی وزیر آکھیے جو محرم الحرام دے دوران تکنیکی اتے آپریشنل عملے د?? 24/7 دستیابی کوں یقینی بݨایا ونڄے، ساری سطح تے مخصوص کنٹرول سنٹرز بݨائے ونڄن۔ وفاقی وزیر آکھیے جو ایں معاملے وچ کہیں وی قسم دی غفلت یا کوتاہی دی گنجائش کائنی ، محرم الحرام دے سلسلے وچ اقدامات دی رپورٹ پاور ڈویژن کوں بھیجی ونڄے۔
.jpg)
.jpg)
