اسلام آباد ۔ 19 اگست (اے پی پی)وزیراعظم عمران خان قوم نال اپنڑے پہلے خطاب اچ ملک کوں درپیش مسلیاں اچوں کڈھ تے ترقی دی راہ تے پاونڑکیتے تبدیلی دا طریقہ کار ڈس ڈتے۔وزیراعظم چیلنجاں بارے ڈسیندے ہوئے قوم کوں حوصلہ ڈتے جو او گھبراون ناں، اساں سارے ہک ٹیم آلی کار رل تے ملک کوں بحراناں توں کڈھ تے ترقی دے رستے تے سٹیسوں،نویں پاکستان اچ ہک نویں سوچ دی لوڑھ اے،مدینہ دی ریاست جیہڑے اصولاں تے کھڑی ہئی او سارے یورپ اچ نافذ ہین،افسوس ساڈے کوں کتھائیں کائنی، پنڑا بنڑ تے ترقی نسے کر سگدے، قرضہ تہاڈی آزادی کھس گھندے،ساکوں اپنڑا جیونڑ بدلنڑا ہوسی ،ملک کوں اوکھ توں کڈھنڑ کیتے بیرون ملک پاکستانی پیسہ ملک گھن آون،یقین ڈوینداں جو قوم دے پیسے دی میں حفاظت کریساں،ٹیکس کٹھا کرتے ایکسپورٹ ودھیسوں،باہرو پیا پیسہ ولا وطن گھن آیا ویسی،سرمایہ کاراں کیتے ون ونڈواپریشن شروع کریسوں،انصاف دا نظام ٹھیک کریسوں،کہیں کوں رعیات نہ ملسی،جڈاں وی چوراں تے ہتھ پیسوں، اے رل ویسن اتے شور مچیسن، ساکوں انہاں دے خلاف کٹھے کھڑا تھیونڑے۔بطور وزیراعظم ہک غیر روایتی خطاب اچ عمران خان دا آکھنڑ ہا جو پاکستان دی تاریخ اچ پہلے کڈاھیں اینجھے اوکھے مالی حالات کائنا ہن،پاکستان تے قرض ڈاہ سال پہلے 6 ہزار ارب ہا جیہڑا ودھ تے 28 ہزار ارب تھی چکیے،قرض آزادی کھس گھندے ، روپے تے بیرونی دباو ¿ پوندا پئے، ساکوں پنڑا بنڑ تے جیونڑ دی بجائے اپنڑے آپ کوں بدلنڑا ہوسی،بیرون ملک پاکستانیاں کون آہداں جو اواپنڑا پیسہ پاکستان بھیجن ، یقین ڈوینداں جو قوم دے ہک ہک پیسے دا تحفط کیتا ویسی، بالاں نال زیادتی روکیسوں، سکول اتے مدرسے دے بالاں کوں ہکو جھیں توجہ ڈیونڑی اے،بالاں دی چنگی خوراک، تعلیم اتے صحت دا خیال کرنڑاں ہوسی۔انہاں آکھیے جو گلوبل وارمنگ،پانڑی دے وسائل، ڈیماں دی تعمیر، توانائی ضروریات پوریاں کرنڑ کیتے ڈینہہ رات کم کرنڑے،سرکاری ہسپتالاں دی چنگائی کیتے ٹاسک فورس کم کریسی،پورے ملک اچ ہیلتھ کاردڈ، ہیلتھ انشورنس متعارف کرایا ویسی۔انہاں آکھیے جو ہک پاسو مقروض قوم اے تاں ڈوجھے پاسو مقتدر طبقہ اے،خرچے گھٹاونڑ کیتے ہر سطح تے بچت کوں ودھایا ویسی، میں اپنڑے آپ توں سادگی شروع کر ڈتی اے،سرکاری ملازمین دے کم اچ کوئی مداخلت نہ کریسوں،عام آدمی کوں وی آئی پی بنڑاونڑ مقصد اے۔عمران خان آکھیے جو نواں اصلاح شدہ بلدیاتی نظام گھن آسوں،فنڈز ایم این اے ،ایم پی ایز دی بجائے بلدیات کوں ڈیسوں، نینگراں کوں روزگار،ہنر،بلا سود قرضے ڈیسوں اتے کھیڈاں اچوں سیاست مکا تے کھیڈاں دے میدان اتے پارک بنڑیسوں۔
.jpg)
