اسلام آباد ۔ 13 نومبر (اے پی پی) وزیراعظم عمران خان آکھیے جو پاکستان تحریک انصاف اوکھے حالات اچ حکومت سنبھالی اے ، آندے کجھ مہینے اچ واضح تبدیلی ڈیکھنڑ اچ آسی۔انہاں اے گال منگل کوں کراچی نال تعلق رکھنڑ آلے ارکان قومی اسمبلی نال گال مہاڑ کریندے ہوئیں آکھی ۔ وزیراعظم ارکان قومی اسمبلی تے زور ڈتا جو او عوام دے مسلے اجاگر کرنڑ تے انہاں کوں حل کرنڑ اچ اپنڑاں کردار ادا کرن ،لوکاں دے ڈکھ درد اچ شریک تھیون ۔ارکان قومی اسمبلی وزیراعظم کوں کراچی دے شہریاں کوں پانڑیں ،نکاسی آب سمیت درپیش مختلف مسلیں دا ڈسایا ۔ ایں موقع تے گورنر سندھ عمران اسماعیل وزیراعظم ولوں اعلان کیتے گے کراچی پیکیج تے پیشرفت بارے ڈسایا ۔ وزیر برائے بحری امور علی زیدی پانڑیں تے ٹرانسپورٹ دے مسلیں دے حل تے کراچی دے شہریاں سانگے روزگار دے موقع پیدا کرنڑ بارے ڈسایا۔ بعداچ وزیراعظم عمران خان ارکان پارلیمنٹ دے نال دیوالی دا کیک وی کٹیا ۔
.jpg)
