اسلام آباد۔23مارچ(اے پی پی) پوری دنیا اچ پاکستانی سفارت خانے تے قونصل دفتران اچ یوم پاکستان روایتی جوش و جذبے نال منایا ڳئے جئیں اچ سفارتی عملے ، انھاں دے خانداناں اتے پاکستانی کمیونٹی وݙی تعداد اچ شرکت کیتی ۔
بھارت، روس، بلیجئم، متحدہ عرب امارات، برسلز، بیجنگ سودھے ٻئے ملکاں اچ یوم پاکستان بھرپور انداز اچ منایا ڳئے جیں اچ پرچم کشائی دی تقریب تھئی تے قومی ترانہ پڑھیا ڳئے ۔ ایں موقع تے صدرمملکت، وزیراعظم تے نائب وزیراعظم و وزیر خارجہ دے خصوصی سنھیے پڑھ تے سݨائے ڳئن جئیں اچ انہاں قوم کوں یوم پاکستان دی مبارخ ݙتی تے بانی پاکستان سودھے ٻئی ولولہ انگیز قیادت کوں خراج عقیدت پیش کیتا ڳئے
۔ 23 مارچ 1940 دی قرارداد پاکستان دی منظوری دے تاریخی موقع اتے پاکستان دی جدوجہد دے حوالے نال خصوصی دستاویزی پروگرام وی ݙکھائے ڳئن۔
.jpg)
