اسلام آباد۔16جنوری (اے پی پی) چیئرمین سینیٹ محمدصادق سنجرانی معروف قانون دان تےسابق صدر سپریم کورٹ بار ایسوسی ایشن لطیف آفریدی دے بہیمانہ قتل دی شدید الفاظ اچ مذمت کیتی اے۔ سینیٹ سیکرٹریٹ توں جاری بیان موجب چیئرمین سینیٹ آکھیا جو او ݙکھ ویلھے انہاں دے ٹبر دے ݙکھ اچ برابر دے شریک ہن۔ انہاں دعا کیتی جو اللہ تعالیٰ مرحوم کوں اپݨے جوار رحمت اچ ڄاہ ݙیوے اتے انہاں دے ٹبر کوں صبر ݙیوے۔ڈپٹی چیئر مین سینیٹ سینیٹر مرزا محمد آفریدی، قائد ایوان سینیٹ سینیٹراسحاق ڈار اتے قائد حزب اختلاف سینیٹ سینیٹر ڈاکٹر شہزاد وسیم وی معروف قانون دان تے سابق صدر سپریم کورٹ بار ایسوسی ایشن لطیف آفریدی دے بہیمانہ قتل دی مذمت کیتی اے۔
.jpg)
