اوٽاوا-17 آڪٽوبر (اي پي پي) ڪينيڊا جي وزيراعظم جسٽن ٽروڊو چيو آهي ته ڀارت ملڪ جي خودمختياري ۾ دخل اندازي ڪري هڪ خوفناڪ غلطي ڪئي آهي. پرڏيهي ميڊيا ان حوالي سان ٻڌايو ته ڪينيڊا جي وزيراعظم پرڏيهي دخل اندازي جي معاملي تي گذريل ڏينهن انڪوائري ڪميشن آڏو گواهي ۾ چيو آهي ته ڀارتي حڪومت اهو سوچي خوفناڪ غلطي ڪئي آهي ته هن ڪنهن خومختيار ملڪ جي معاملن ۾ ان حد تائين جارحاڻي دخل اندازي ڪري سگهي ٿو جيئن هنن ڪينيڊا جي تحفظ ۽ خودمختياري ۾ ڪئي. اسان کي ڪينيڊا جي عوام جي تحفظ کي يقيني بڻائڻ لاءِ جواب ڏيڻو پوندو. هن چيو ته ڪينيڊا ڀارت سان پنهنجي قيمتي ناتن کي تباهه ڪرڻ نه پئي چاهيو پر هرديپ سنگهه جي قتل کان پوءِ اسانکي واضح اشارا مليا آهن ته ڀارت ڪينيڊا جي خودمختياري جي خلاف ورزي ڪئي آهي . هن چيو ته اسان ڀارت کي اڪسائڻ يا ان سان ويڙهه نٿا چاهيون پنهنجي گواهي ۾ جسٽن ٽروڊو وڌيڪ چيو ته انٽيليجنس معلومات ۾ اها ڳالهه سامهون آئي آهي ته مخالف سياسي جماعت ڪنزر ويٽيو پارٽي به غير ملڪي دخل اندازي جي ڪوششن ۾ شامل هئي يا شموليت جو انتهائي خطرو موجود هيو . ان کان اڳ ڪينيڊا جي پوليس الزام هنيو هو ته ڀارتي سفارتڪارن ڪرمنل نيٽ ورڪ سان گڏجي سکن کي نشانو بڻايو پر ڀارت ان جي ترديد ڪئي آهي.
.jpg)
