اسلام آباد۔19اپریل(اے پی پی):وزیراعظم محمد شہباز شریف صوبہ بلوچستان اتے صوبہ خیبر پختونخوا اچ مینھ وسݨ پاروں تھیوݨ آلے جانی تے مالی ضیا تے ݙکھ تے افسوس کریندے ہوئیں نیشنل ڈیزاسٹر مینجمنٹ اتھارٹی اتے ٻئے متعلقہ اداریں کوں متاثرہ علاقیں اچ امدادی کارروائیاں تکھیاں کرݨ دی ہدایت کیتی اے ۔وزیراعظم آفس دے میڈیا ونگ توں جاری بیان موجب وزیراعظم نیشنل ڈیزاسٹر مینجمنٹ اتھارٹی اتے ٻئے متعلقہ اداریں کوں متاثرہ علاقیں اچ امدادی کارروائیاں تکھی کرݨ دی ہدایت کیتی اے ۔ وزیراعظم آکھیے وفاقی حکومت بلوچستان اتے خیبر پختونخوا دی صوبائی حکومت دے رلے کھڑی اے تے امدادی کارروائیاں اچ ہر ممکن مدد کریسی ۔ انہاں ہدایت کیتی اے جو متاثرین تئیں امداد ݙیوݨ اچ کوئی کسر نہ چھوڑی ونڄے ۔ وزیراعظم مینھ تے لینڈسلائیڈنگ پاروں بند سڑکاں تے رستے کھولݨ دا کم تکھا کرݨ دی وی ہدایت کیتی اے ۔ وزیراعظم مینھ پاروں جاں بحق تھیوݨ آلے لوکاں دے اُچےدرجات سانڳے دعا کیتی تے انہاں دے لواحقین نال اظہار تعزیت کیتے۔ انہاں مینھ پاروں مختلف حادثیں اچ زخمی تھیوݨ آلیں سانڳے صحت یابی دی دعا کیتی۔
.jpg)
