اسلام آباد۔26جنوری(اے پی پی)صدر مملکت ڈاکٹر عارف علوی آکھیے جو وزیر اعظم عمران خان ملک دے سارے علاقیاں دی ہکو سویں ترقی کیتے کم کریندے پین۔ اے ڳالھ انہاں وزیراعلیٰ سیکرٹریٹ گلگت اچ صوبائی کابینہ دے اراکین نال الیندے آکھی۔ انہاں گلگت بلتستان دی نویں حکومت کوں مبارک ݙیندے علاقے دی ترقی کیتے ݙینھ رات ہک کرݨ دی ہدایت کیتی اتے آکھیا جو گلگت بلتستان ٻہوں سوہݨا علاقہ اے، جتھاں سیاحت سودھا ٻئے شعبیاں اچ سرمایہ کاری دے اقدامات کیتے ونڄن، وزیر اعظم عمران خان گلگت ایئر پورٹ دی توسیع دے منصوبے تے غور کریندے پین جیندا مسودہ گلگت بلتستان حکومت نال ونݙیا ویسی۔ انہاں آکھیا جو گلگت بلتستان اچ پن بجلی دے علاوہ شمسی توانائی دے مواقع وی ہین جیندے توں فیدہ چاوݨا چاہیدے، گلگت اچ تعلیم دی چنڳی صورتحال اتے سیاحواں دی ودھ آمد خوش آئند اے۔ ایں توں پہلے صدر مملکت چنار باغ اچ یاد گار شہداء تے پھل چڑھائے اتے فاتحہ پڑھی۔ صدر مملکت کوں پولیس دے دستے سلامی ݙتی اتے وزیر اعلیٰ صدر کوں گلگت بلتستان دا ریتی چغہ اتے ٹوپی پوائی۔
.jpg)
