اسلام آباد ۔ 6 فروری (اے پی پی) وزیراعظم شاہد خاقان عباسی شنگھائی تعاون تنظیم (ایس سی او) دے رابطے دے ودھارے دے اقدامات دی حمایت کریندے ہوئیں پاک چین اقتصادی راہداری (سی پیک) کوں ایس سی او دے 6 منظور شدہ رستیں نال جوڑنڑ دی پیشکش کیتی ہے جیرھا جو یورتے ایشیائ، چین، روس اتے وسطی ایشیاءکوں بحیرہ ءعرب دے نال رلاونڑ دا ہک موثر ذریعہ بنڑنڑ دی صلاحیت اچ بہوں ودھارا کریسی ۔ انہاں اے گال ایس سی او دے سیکریٹری جنرل راشد علیموف نال گال بات کریندے ہوئیں آکھی جنہاں منگل کوں وزیراعظم آفس اچ انہاں نال ملاقات کیتی۔ پاکستان کوں ایس سی او دی پوری رکنیت ملنڑ دے بعد ایس سی او دے سیکرٹری جنرل دا اے پاکستان ڈا پہلا دورہ ہے۔ وزیراعظم ایس سی او دی رکنیت دے عمل کوں اگی تے ودھاونڑ دے حوالے نال انہاں دی حمایت تے سیکرٹری جنرل دا شکریہ ادا کریندے ہوئیں ثقافتی تنوع اتے سانجھی ترقی دے مقصد دے حصول سانگے سانجھے احترام، مفاد اتے برابری تے مبنی ”جذبہ ءشنگھائی“ دے حوالے نال پاکستان دے عزم دا اعادہ کیتا ۔ وزیراعظم آکھیا پاکستان دے ایس سی او اتے ایںدے رکن ملکاں دے نال تاریخی تے ثقافتی رابطے تے مضبوط اقتصادی تے سٹریٹجک تعلقات ہن ۔ایس سی او دیاں ساریاں سرگرمیاں اچ پاکستان دی فعال شرکت کوں نشابر کریندے ہوئیں وزیراعظم ایں امر دی تعریف کیتی جو ایس سی او بین الاقوامی سطح تے خود کوں ہک اہم تے با اثر کردار دی حیثیت نال منوایا ہے ۔ اقتصادی، تجارتی، ترقیاتی، سیکورٹی اتے انسداد دہشت گردی تعاون دے حوالے نال ایندی منفرد اتے عملیت پسند تے اینکوںبین الاقوامی تنظیماں نال ممتاز کریندی اے۔ وزیراعظم ایس سی او ڈویلپمنٹ بینک، ایس سی او ڈویلپمنٹ فنڈ، ایس سی او بزنس کونسل، ایس سی او انٹر بینک کنسورشیم دے قیام تے چھوٹے تے درمیانے حجم دے کاروبار بارے ایس سی او اقدام سمیت تنظیم دے مختلف اقدامات دی حمایت کیتی۔
