اسلام آباد۔4اگست(اے پی پی) وزیراعظم محمد شہباز شریف آکھیے یوم شہدائے پولیس ، بہادر پولیس افسراں تے اہلکاراں دی جرات تے بہادری کوں یاد کرݨ دا ݙینھ اے ، پولیس اہلکاراں ہمیشہ اپݨی جاناں دا نذرانہ ݙے تے قوم دا مستقبل محفوظ اتےروشن بݨائے۔ وزیراعظم آفس دے میڈیا ونگ توں جاری بیان موجب وزیراعظم یوم شہدائے پولیس دے موقع تے پولیس دے شہید افسراں تے اہلکاراں کوں خراج عقیدت پیش کریندے آپݨے پیغام اچ آکھیے جرم دی سرکوبی کریندے آپݨی جاناں دا نذرانہ پیش کرݨ آلے پولیس اہلکاراں دی قربانیاں لازوال ہن، دہشت گردی دے خلاف جنگ اچ پولیس ہمیشہ ہراول دستے دے طور تے آپݨیاں ذمہ واریاں نبھائن ۔ پولیس اہلکاراں ہمیشہ اپݨیاں جاناں ݙے تے قوم دا مستقبل محفوظ اتےروشن بݨائے، شہدائے پولیس قوم دا فخر ہن،پوری قوم شہید پولیس اہلکاراں کوں سلام پیش کریندی اے ۔ وزیراعظم آکھیے شہید افسراں تے اہلکاراں دے خاندان دا خیال رکھݨ حکومت دی ذمے واری اے ، ایں حوالے نال کوئی وسلائی نہ تھیوݨ ݙیسوں۔ وزیراعظم آکھیے وفاقی حکومت شہداء دے ٻالاں دی تعلیم و صحت کیتے ر ممکن اقدامات چیسی، شہداء دے خانداناں دا ہر طرح نال خیال رکھیا ویسی ۔ بطور وزیر اعلیٰ پنجاب اپݨے دور اچ شہدائے پولیس دے خانداناں سانڳے ھک وݙا تے تاریخی پیکج ݙتا ہئی
