اسلام آباد۔10اگست(اے پی پی) وزیراعظم شہباز شریف دی خصوصی ہدایت تے ملک دے 77 ویں یوم آزادی دے موقع تے ”عزم استحکام“ دے عنوان توں خصوصی ڈاک ٹکٹ جاری کرݙتا ڳئے ۔ڈاک ٹکٹ تے پاکستان دے جیولین تھرور ارشد ندیم دی تصویر لاتے انھاں کوں خراج تحسین پیش کیتا ڳئے ۔ارشد ندیم پیرس اولمپکس اچ 92.97 میٹر فاصلے تے نیزہ سٹ تے نواں اولمپک ریکارڈ بݨا تے گولڈ میڈل ڳھدے تے نینگر نسل سانڳے ھک نینگر نسل سانڳے ھک مثال بݨ ڳئں ۔ڈاک ٹکٹ کوں عزم استحکام دا عنوان ݙتا ڳئے جیڑھا ملک دی ترقی اتے استحکام دے عزم دا منہ ٻولیندا ثبوت اے ۔ڈاک ٹکٹ اچ مینار پاکستان دی تصویر کوں شامل کر تے پاکستان دی آزادی دی جدوجہد اتے ایندی علامتی اہمیت کوں وی اجاگر کیتا ڳئے ۔ حکومت پاکستان دی طرفوں یوم آزادی تے جاری کیتے ڳئے ڈاک ٹکٹ آندیاں نسلاں کوں پاکستان دی آزادی دی جدوجہد، قربانیاں اتے حکومت پاکستان دی ملکی استحکام سانڳے جدوجہد اتے عزم دا ݙسیسی
.jpg)
