اسلام آباد – 15 نومبر (اي پي پي) وزيراعظم محمد نواز شريف ان ڳالهه تي زور ڏنو آهي ته گڏيل قومون ڀارت طرفان لائين آف ڪنٽرول تي سيز فائر جي خلاف ورزين ۽ ڇڪتاڻ ۾ بنا سبب جي اضافي جو نوٽيس وٺن، پاڪستان طرفان ضبط ۽ تحمل جي مظاهري کي ڪمزوري نه سمجهڻ گهرجي، ڪنهن به جارحيت جي خلاف پنهنجي سرزمين جي دفاع جي ڀرپور صلاحيت رکون ٿا. هن اها ڳالهه وزيراعظم هائوس ۾ لائين آف ڪنٽرول تي بگڙجندڙ صورتحال جي حوالي سان اجلاس جي صدارت ڪندي چئي.
