اسلام آباد ۔ 19 نومبر (اے پی پی) وفاقی وزیر ریلوے شیخ رشید احمد آکھیے جو چین دی نیشنل ریلوے ایڈمنسٹریشن تے پاکستان ریلوے وچال فریم ورک معاہدے اچ کوئی تبدیلی کائناں گھن آئی ویسی ،اے گال انہاں سنوار کوں چین دی نیشنل ریلوے ایڈمنسٹریشن (این آر اے) دے وفد نال ملاقات اچ آکھی ۔ این آر اے دے وفد دی صدارت ڈپٹی ایڈمنسٹریٹر این لو شینگ کر یندے پئے ہن ۔ایں موقع تے وفد آکھیا جو موجودہ حکومت سی پیک دی اہمیت توں آگاہ اے ،او اے جانڑدی اے جو سی پیک اچ ریلوے ریڑھ دی ہڈی دی حیثیت رکھیندی اے ۔ڈوہیں وفد اچ اے طے پاتا جو ڈو ڈینھ اچ ماہرین دیاں ٹیماں دی مفصل گال مہاڑ کتے مسلیں دا حل تیار کریسوں تے حمتی رپورٹ 25دسمبر 2018کوں تیا تھیسی ۔این آر اے دے وفد واضح کیتے جو ایم ایل 1پاکستان دا ہک اہم انفراسٹرکچر اے ۔وزیر ریلوے واضح کیتا جو ایم ایل 1دی اپ گریڈیشن کوں تکھی رفتار نال مکمل کرنڑاں چاہیدے ایندے علاوہ حکومت ایم ایل ون تے ٹو اچ خاص دلچسپی رکھیندی اے ۔وفاقی وزیرآکھیا جو این آر پاک ریلوے کوں مناسبت تعمیرا تی خرچے ڈیوے ۔ایں موقع تے چیئرمین ریلوے ،سی ای او ،ڈی جی پلاننگ ،سیکر ٹری ریلوے بورڈ تے ڈی جی اپریشن وی موجود ہن ۔
.jpg)
